په غزې تړانګې کې د قرآن د حفظ او تلاؤت د کړیو د فعالیت دوام(فیلم)
ایکنانیوز القدس الاخباریه ویبسایټ له قوله راپور راکوي، په غزې تړانګې کې د جنایتکار صهیونیستي رژيم د جنګ او نسل وژنې له دوام سره سره په غزې کې د قرآن کریم د حفظ او تلاؤت محفلونه او کړئ هماغه شان خپلو فعالیتونو ته دوام ورکوي.
د غزې تړانګې د روغتیا وزارت پرون دیوې اعلامیې په خپرولو سره وئیلي دي چې صهیونیسټ رژيم پوځ په تیرو ۲۴ ساعتونو کې په غزې تړانګې کې د فلسطینیو کورنیو په حق کې د وژلو درې موردونه پيښ کړي دي، چې په هغو کې ۴۰ کسان شهیدان او یوسل شل نور ټپیان شوي دي.
ددغې اعلامیې په اساس یوشمیر قربانیان هماغه شان د کنډوالو لاندې دي او امبولانسونه او د مدنی دفاع عمله ئې له کنډوالو نشي راویستلی،ځکه یو خو ورسره تجهیزات نشته او دوهم وحشی صهیونیسټي رژيم خپلو بمباریو او حملو ته هماغه شان دوام ورکوي. د تیر کال د اکتوبر له اومې نیټې راهسې تر پرون پورې په غزې تړانګې کې د اسرائيلو د وحشیتوب له امله دشهیدانو شمیر ۳۷زره یوسل څلویښت تنو ته او د ټپیانو شمیر هم ۸۴ زره اته سوه پنځوسو کسانو ته رسیدلی دی چې زیاتره قربانیان ئې ښځې او ماشومان دي.
د بې آمانه جنګ له ۲۴۹ ورځو وروسته په غزې تړانګې کې انساني حالات ورځ تربلې ددغې سیمې د کلابندۍ او د جنګ د دوام په سیوري کې لابدتریږی ،لکه څنګه چې دملګروملتو سرمنشي آنتونیو ګوتریش هم وئيلي دي چې د غزې تړانګې اتیا فیصدي آبادي د جنګ د دوام او د مرستو دغوڅيدا په دلیل د څښاک له اوبو محرومه دي او ورته لاس رسی نه لري.
